Yutawan Asu Kampung Kumuh ( Slumdog Millionarie)

Ketika sedang mencari artikel tentang film Slumdog Millionaire, saya nyangkut di wikipedia. Namun yang luar biasa ternyata yang saya baca adalah Wikipedia versi Bahasa Jawa. Bahasa sehari hari saya meskipun sekarang saya di jakarta, namun sayang saya belum berhasil membuat posting dengan bahasa Jawa. Saya kutipkan dari WIkipedia Bahasa Jawa, tentang FIlm Slumdog Millionarie ( Yutawan Asu Kampung Kumuh).

Slumdog Millionaire (basa Inggris “Yutawan Asu Kampung Kumuh”) iku sawijining film Britania Raya tahun 2008 sing disutradarani déning Danny Boyle, mawa asistèn sutradara Loveleen Tandan[2], lan ditulis déning Simon Beaufoy. Film iki adhedhasar gubahan saka buku roman Q and A (2005} sing ditulis déning Vikas Swarup, sawijining panulis lan diplomat India. Bukuné menang bebungah Boeke Prize lan Commonwealth Writers.

Syuting film iki dianakaké ing India. Crita film iki ngenani sawijining wong mlarat ajeneng Jamal Malik sing mélu kuis kondhang Who Wants To Be A Millionaire ing India.[3] Nanging amerga dhèwèké bisa ngerti kabèh wangsulan pitakonan, Jamal dicekel pulisi lan diinterogasi mawa disiksa, déné wong ora percaya yèn ana wong mlarat, bocah dalanan kok bisa pinter banget.

Slumdog Millionaire menangaké 8 piala Oscar ing taun 2009.

Film iki diwiwiti mawa adhegan nalika inspektur pulisi (Irrfan Khan) ing Mumbai, India lagi interogasi lan nyiksa Jamal Malik (Dev Patel), mantan bocah gelandhangan saka kampung kumuh Dharavi. Jamal iku sawijining kontèstan ing acara télévisi Who Wants to be a Millionaire vèrsi India mawa pembawa acara Prem Kumar (Anil Kapoor). Jamal wis tekan pitakonan pungkasan, sing dijadwalaké kanggo sésuk, nanging dhèwèké disalahaké pulisi dianggep curang amerga dianggep anèh yèn sawijining wong kampung bisa ndarbèni kawruh sing amba utawa kabegjan banget, olèh pitakonan sing bisa diwangsuli kabèh.

Jamal banjur crita yèn pitakonan bab bintang film Bollywood Amitabh Bachchan iku gampang banget, banjur dhèwèké ngerti pitakonan liya-liyané déning kabeneran waé, tau ngalami akèh perkara sing nggawé dhèwèké ngerti rena-rena. Banjur sawisé iku film dibanjuraké mawa adhegan-adhegan flashback sing nudhuhaké pengalaman-pengalamané nalika cilik. Nalika iku Jamal lan Malik urip ing kutha Bombay/Mumbai lan sekolah. Ing sekolah diajari crita The Three Musketeers. Saliyané iku uga ditudhuhaké kepriyé Jamal olèh tapaktangané Amitabh Bachchan. Banjur anuju sawijining dina ana gègèran ing kutha Bombay antara kaum Hindu lan kaum Muslim. Salim lan Jamal Malik iku kalebu wong Muslim lan ibuné tiwas ing gègèran iki. Bocah loro iki dadi yatim. Nalika iku bocah loro iki ketemu sawijining bocah wadon anama Latika. Amarga Jamal seneng karo crita The Three Musketeers Salim diarani Athos, Jamal dhéwé Porthos lan Latika Musketeer katelu.

Anuju sawijining dina, bocah telu iki ditemu déning Maman (Ankur Vikal) ing powuhan, papané urip. Telu-teluné banjur diajak lunga menyang sawijining panti asuh. Tibakné ing panti iki bocah-bocah iki diajari dikon ngemis lan mbarang. Ing sawijining dina Salim weruh ana bocah sing jenegé Avindh dikon nyanyi banjur dibiyus lan sawisé matané digawé wuta, amerga bocah pangamèn wuta olèh dhuwit luwih akèh. Salim déning Maman dikon nyeluk adhiné, adhiné uga arep digawé wuta matané. Nanging Salim ora lila, dhèwèké banjur ngajak mlayu Jamal lan Latika. Kateluné dioyak déning Maman lan wong-wongé. Jamal lan Malik bisa mlebu sepur nanging Latika ora bisa. Latika dicekel Maman manèh.

Bocah loro iki banjur golèk panguripan rena-rena carané, ya halal, ya ora. Mawa numpak sepur, bocah loro iki tekan Taj Mahal lan nyambut gawé ing kono. Nanging Jamal tetep waé ora bisa nglalèkaké Latika. Jamal banjur ngajak Salim mulih menyang Bombay. Tibakné Latika iku dilatih dadi WTS kelas dhuwur, supaya mengko bisa diedol larang minangka prawan. Jamal nemu Latika ing kawasan lokalisasi Bombay lagi dilatih nari. Dhèwèké ngajak Latika lunga, nanging banjur Maman tibakné ana ing kono. Salim sing nggawa pistul banjur némbak Maman nganti mati lan kateluné mlayu. Banjur karo Salim olèhé matèni Maman dianggo alesan nglamar kerja karo Javed (Mahesh Manjrekar), wong jahat liyané. Salim banjur ngehaki Latika, lan nalika Jamal protès, dhèwèké dithungi pistul, Latika nengahi lan pasrah dipèk Salim. Jamal dadi nlangsa atiné lan lunga mlayu….

KIra kira mengkono kuwi artikel boso jowo ing wikipedia sing tak woco, yen pengin mbacutake anggone moco, monggo panjengan kabeh moco artikele langsung ono ing WIkipedia versi Boso Jowo

2 Responses to “Yutawan Asu Kampung Kumuh ( Slumdog Millionarie)”

  1. Kombor Says:

    Manteb tenan. Ana Wikipedia versi Basa Jawa.

  2. aRai Says:

    woloh boten ngertos lek boso jowo mah … lek suroboyoan iso cuuukkkkkkkkk (lmao)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: